Aanhalingsboeke oor die kunste is vry algemeen in die buiteland, maar selfs dáár is ‘n aanhalingsboek gewy net aan skrywers en die skryfkuns ‘n rariteit. Dis merkwaardig dat juis só ‘n boek hier verskyn – op die koop toe so uitgebreid en versorg dat dit onmiddelik pleit om internasionale verspreiding. Jenny Hobbs, skryfster, is die samesteller, en te oordeel na 328 bladsye aanhalings, is die totale omvang van die skryfbedryf by haar ‘n “magnificent obsession”. Hobbs rubriseer die inhoud van haar bloemlesing; ‘n groot lesergerief.
